السلام عليكم ..
على أن قطار الموت ( أو الرولر كوستر ) لعبة قديمة جداً إلا أنها أهم لعبة في الملاهي ، نادراً ما تشوف ملاهي مافيها قطار . اللعبة فيها كمية حماس رهيبة ، هالحماس مرتبط بخطورة اللعبة، كلما زادت السرعة أو الارتفاعات أو الحلقات كلما زاد الأكشن . بسبب خطورتها ، كثير من الناس اللي عندهم مشاكل صحية ما يسمح لهم بركوبها ، مثل الحوامل و مرضى القلب و غيرهم ، والخوافين برضه يفضل ما يركبونها ، أنا مثلاً . المهم نرجع لموضوعنا :d .
كثير من الأجانب يصورون نفسهم فيديو وهم راكبين القطار ويحطون هالفيديوهات على اليوتيوب ، حبّهم لمشاركة لحظات رعبهم مع العالم شيء غريب :d .
فيديو :
كثير من الأجانب يصورون نفسهم فيديو وهم راكبين القطار ويحطون هالفيديوهات على اليوتيوب ، حبّهم لمشاركة لحظات رعبهم مع العالم شيء غريب :d .
فيديو :
كيف نصير مقلوبين وما نطيح ؟
من ناحية فيزيائية ، الراكب في لعبة قطار الموت تؤثر عليه ثلاث قوى : قوة الجاذبية ، والقصور الذاتي ، وقوة الطرد المركزي ، حركة العربات باتجاهات مختلفة يغير قوة كل وحدة من هالقوى على جسم الراكب ، بالتالي يحصل الشعور بالوناسة ( هالشعور محد بيعرفه إلا اللي جرب الألعاب هذي :d ) ، و بنفس الوقت هالتغير ممكن يسبب مشاكل للناس اللي عندهم مشاكل صحية .
السالفة كلها تلف وتدور على ( القصور الذاتي ) ، ببساطة ، تخيل أن معك سطل فيه مويه ، لو لفيته بشكل دائري وبحركة سريعة ماراح تنكب ولا قطرة على الأرض ، نفس الشيء بالنسبة للقطار ، طالما إنه يلف بسرعة عالية ما راح يطيحون الناس بإذن الله .
لما ترتفع العربة يأثر التسارع على الراكب ويدفعه للخلف ، بينما تثبته قوة القصور الذاتي داخل العربة ، هالتضاد بين القوتين يعطي الراكب شعور بعدم الاتزان .
في حالة سقوط العربة من قمة إلى مكان منخفض يكون الراكب في وضعية ( سقوط حر ) ، يحس وقتها كأنه يطير لأنه كان بعيد عن الجاذبية وفجأة صار قريب ، واللي قد ركب قطار الموت أو الألعاب اللي تشبه أكيد جرب هالأحاسيس وعارف حنا وش قاعدين نقول :d .
أنواع قطارات الموت :
في نوعين من القطارات : قطار ستيل ، وقطار خشبي . كلهم يشتغلون بنفس الطريقة لكن الفرق إن قطارات الستيل أسرع وفيها انخفاضات وحلقات أكثر ، لكن كل واحد منهم يعطي أحاسيس مختلفة عن الثاني .
إيه وصح فيه بعد نوع ثالث اللي هو القطار المصدّي ، وفيه منه كثير عندنا هنا بالسعودية .
إحصائيات :
في إحصائيات كثيرة جداً متعلقة بقطار الموت ، منها :
- أطول قطار موت ستيل موجود في أمريكا في ملاهي ( Six Flags Great Adventure ) . الارتفاع : 256 قدم .
- أطول قطار موت خشب موجود في ألمانيا في ملاهي ( Heide Park ) . الارتفاع : 197 قدم .
- أسرع قطار موت ستيل موجود في الإمارات في ( عالم فيراري ) . السرعة : 240 كم/الساعة .
- أسرع قطار موت خشبي موجود في أمريكا في ملاهي ( Six Flags Great Adventure ) . السرعة : 110 كم/الساعة .
حوادث :
مع إن جميع الألعاب الخطيرة بما فيها قطار الموت مصممة بطريقة آمنة ، إلا أن ذلك ما منع حصول بعض الحوادث واللي أدت لإصابات خطيرة و وفيات ، منها :
في 2008 :
في اليابان ، 13 راكب تعرضوا لإصابات بسبب توقف القطار فجأة .
في الدينمارك ، أربعة أشخاص انجرحوا بسبب انفصال عربة عن القطار .
في 2006 :
في أمريكا ، 18 راكب تعرضوا لإصابات طفيفة بسبب خروج القطار عن مساره .
في بريطانيا ، 29 شخص تعرضوا لإصابات بعدما انفصلت عربات القطار وتصادمت مع بعضها .
وحسب ما قرأت ، سنوياً تحصل من 3000 إلى 3500 إصابة و _في المتوسط_ ثلاث وفيات بسبب قطار الموت !
الجزئية أعلاه ممكن تخلي أهلك يمنعونك تروح الملاهي مرة ثانية لو قروها ، آسفة مقدماً :d .
صادفت في بحثي عن الموضوع هالموقع : قاعدة بيانات كاملة عن قطار الموت . اللي يبي يطّلع عليه :
وبس انتهى موضوعي .
استمتعوا بوقتكم :)
مصادر :
نفسي أجرب اللي في فراري ورلد :(
ردحذفأحب الشعور لمن ينزل وأحس إني أطير $.$
اشتهيت أروح له الله يسامحك وش يوديني الحين : ( مُمتع مُمتع بشكل فضييع
ردحذفكنت اخاف منها اول وادري انها آمنه بس اركب وبعد ماقريت الاصابات شكلي مابركبها مرة ثانية .. شكرا شكرا :""(
ردحذفسحقا للأعداء و انا كل يوم انصب على اهلي مستحيل يجيك شي خلينا نركب :) 3/>
ردحذفHarrah's Cherokee Casino & Hotel - Jtm Hub
ردحذفHarrah's Cherokee Casino 양주 출장마사지 & Hotel 성남 출장안마 in Cherokee, NC is an affordable hotel with great views 포항 출장안마 of 광주광역 출장안마 the Great Smoky Mountains. Rating: 4.4 고양 출장안마 · 3,021 reviews