السلام عليكم
قبل أيام تعرفت بالصدفة على لعبة رهيبة اسمها " Flow " ، مع أني مو راعية ألعاب وقبل هاللعبة ما كان بجوالي إلا ألعاب أطفال محملتها لبنت عمتي عشان إذا جت عندنا ، بس هاللعبة والله حماس !
اللعبة تعتمد على الذكاء و التفكير المنطقي ، يعني الوقت اللي يروح وأنت تلعب فيها ما يعتبر ضايع لأنك بتستفيد في النهاية :D .
اللعبة عليها إقبال كبير ، لدرجة إنها دخلت في قائمة أكثر الألعاب من حيث عدد مرات التحميل في ماركت الأندرويد .
طريقة اللعبة :
بتنعرض قدامك لوحة فيها نقاط ملونة موزّعة ، كل لون في منه نقطتين ، المطلوب إنك توصل كل نقطتين من نفس اللون مع بعض بشرط إن التوصيلة اللي سويتها ما تتقاطع مع توصيلة لون ثاني .
يمكن شرحي مو واضح مرة ، لكن فكرتها سهلة جداً و بتفهمونها وقت اللعب .
اللعبة فيها مستويات ، تبدأ من 5×5 و تنتهي بـ 14×14 ( كلما كبر الرقم كلما زادت صعوبة اللعبة ) ، كل مستوى فيه 30 لعبة . المستويات من 10×10 إلى 14×14 خاصة بأجهزة التابلت .
فيديو للعبة :
*المقطع فيه موسيقى أتمنى خفض الصوت*
اللعبة موجودة على الآب ستور + الماركت ، حتى الويب ستور حق القوقل كروم لقيتها عليه ، يعني مالكم عذر كلكم العبوها
أنا من الحماس نزلت اللعبة قبل كم يوم وإلى الآن خلصت 179 لعبة .. باقيلي 121 لعبة وأختمها :D
استمتعوا بوقتكم :)
تم تحميل اللعبه =)
ردحذفاحب الالعاب المعتمده على المنطق والتحليل