السلام عليكم ..
كل عام وأنتم بخير ، تقبل الله منا ومنكم صالح الأعمال
أمس سوينا احتفالية في البيت بمناسبة العيد ، وشريت بالونات هيليوم ملونة ، منها عيال خالتي الصغار يلعبون فيها ، و منها أنا أجرب أشفط جرعة هيليوم :D
من المعروف أن غاز الهيليوم له تأثير على الصوت إذا استنشقه الإنسان ، والسبب إن الهيليوم أخف من الهواء ، بالتالي سرعة الصوت في الهيليوم أسرع من سرعته في الهواء ( أسرع بثلاثة مرات حسب ويكيبيديا ) ، يعني إذا استنشق الواحد هيليوم وتكلم يطلع صوته رفيييع ، طبعاً ثواني ويرجع الصوت طبيعي .
فيديو يوضح الفكرة :
المهم ، أمي بالأول عيّت أجرب ، تقول ممكن يكون مضرّ ، أنا حاولت أقنعها بحجة إنه كل الناس تسوي كذا ومحد صار له شيء ، والحمدلله وافقت وسويتها :d
بعدما شفطت بالونة كاملة وبعدما خلصنا ضحك فكرت أبحث وأتأكد إذا هالشيء آمن ولا لأ *بدري* ، وبحثت ، وطلعت بالتالي :
يقولك : استنشاق الهيليوم يحرم الجسم من الأوكسجين ، يعني كأنك تكتم نَفَسك ، وكل جرعة هيليوم تستنشقها تطرد جرعة أكسجين عشان تحل محلها ، وطبعاً انخفاض الأكسجين في الجسم خطير ، لكن غالباً الكمية اللي نستنشقها من البالونات تكون قليلة وما تشكل خطر على مستوى الأكسجين .
نجي لشيء ثاني مهم واللي هو طريقة استنشاق الهيليوم ، في طريقتين :
1- الاستنشاق من بلونة . 2- الاستنشاق من إسطوانة .
النوع الأول و اللي هو أنا جربته واللي أغلب الناس يسوونه بإذن الله ما منه ضرر - دامك تستنشق كمية معقولة ، ومو أكثر من مرتين أو ثلاث ، في أسوأ الحالات ممكن تدوخ ويغمى عليك .
النوع الثاني وهو المشكلة ، في هالحالة الهيليوم يندفع بسرعة للرئتين ، و ممكن لاقدر الله يسبب مشاكل عويصة ، منها تكوّن فقاعات هيليوم في الشرايين المؤدية للدماغ ، واللي تؤدي للوفاة .
الخلاصة ، الموضوع آمن جزئياً ، لكن بصراحة أنا ما أفكر أسويها مرة ثانية :|
وبس، استمتعوا بوقتكم :)
المصادر :
حتى أنا نفسي أجربها بس أمي مارضت لي *_*
ردحذفمعلومة جديدة بالنسبة لي
ردحذفافكر اجربها بصراحة
تدوينة مفيدة .. شكرا
رهييييييب هههههههه
ردحذفتحمست أبي أجربها
مدونة رائعة و تدوينه جميلة , أشكرك أختي وعد
Katyusha
جربتها وضحكنا وكذا بس بصراحه حسيت بضيق في صدري ومارتحت يوم كامل
ردحذفجربتها في بلونه وحده بس .
وفاة شخص بسبب استنشاق غاز الهيليوم في تاريخ 1/6/1435هـ
ردحذفبمدينة ابها بجنوب السعودية
بالله عليك الاسطوانه وين يبوعونها
ردحذفطيب ليش ما غيرت صوتي ماغير ضرت جهازي التنفسي وكتمتني
ردحذف