السلام عليكم
في الشرقية ، تحديداً في مدينة الخبر ، مكان خطير جداً .. رهيب جداً .. جميل جداً .. وأبي أروح له ألحين جداً ، مع أني زرته مرتين إلى الآن لكن برضه أبي أروح له ، وما أمانع لو يحطون لي غرفة جنبه .
سايتك ( Scitech ) ، أو مركز الأمير سلطان بن عبدالعزيز للعلوم والتقنية
مركز متميز تابع لجامعة الملك فهد للبترول والمعادن ، رسالته نشر مبادئ العلوم وإبداعات التقنية عن طريق عرضها بأساليب حديثة وممتعة ، المركز فيه قاعات علمية ( أو معارض ) فيها معروضات متعلقة بالمناهج الدراسية اللي تدرّس هنا في المملكة، وكل قاعة لها موضوع خاص ومعروضات متعلقة بهذا الموضوع ، مثلاً قاعة إنجازات التقنية فيها روبوتات وأجهزة صناعة البتروكيماويات وتحليل المياه وكذا .
القاعات العلمية سبعة : قاعة الأرض والفضاء ، قاعة بحارنا الجميلة ، قاعة إنجازات التقنية ،القاعة التعريفية ، قاعة واحة الاستكشاف ، قاعة غرائب العلوم ،قاعة الكائنات الحية .
القاعات العلمية سبعة : قاعة الأرض والفضاء ، قاعة بحارنا الجميلة ، قاعة إنجازات التقنية ،القاعة التعريفية ، قاعة واحة الاستكشاف ، قاعة غرائب العلوم ،قاعة الكائنات الحية .
إضافة إلى القاعات فيه شيء اسمه ( القبة العلمية ) ، المكان هذا عبارة عن سينما تعرض فيها أفلام علمية مدتها 45 دقيقة ( عن أعماق البحار مثلاً ) ، العرض فيها يكون عن طريق شاشة الآي ماكس ( IMAX ) ، الشاشة هذي كبيرة جداً جداً لدرجة إنك عشان تشوف أطرافها لازم تحرك راسك حتى لو كنت جالس في آخر المقاعد . وحسب كلام المركز إن القبة هي الأولى من نوعها على مستوى الشرق الأوسط .
يعجبني في المركز نشاطهم ، في كل موسم لهم مهرجان وفعاليات ، موقعهم و صفحاتهم على الشبكات الاجتماعية محدثة بشكل مستمر مو مثل الكثير من الجهات اللي عندنا للأسف يفتحون الموقع أو الصفحة و يخلونها تصدّي ، يعني اسم إنه فتحوا صفحة .
الجدير بالذكر أن أسعار الدخول مناسبة جداً ( وأعتبرها رخيصة ) مقارنة بالأشياء اللي بتبهرك داخل المركز :)
نجي للصور ، للأسف ما كثرت صور لأن بطارية جوالي كانت ضعيفة وقتها ، و لأن الإضاءة في القاعات العلمية ضعيفة فأغلب الصور تطلع تعبانة .
هذا يودي على القبة العلمية ، ومبين في الصور إعلان فيلم أعماق البحار
من فوق
مداخل القاعات العلمية
من داخل قاعة الأرض والفضاء
مجسم كبير للكرة الأرضية ، الألوان اللي في الداخل تبين طبقات الأرض
طبعاً كل المعروضات محطوط جنبها لوحة فيها طريقة تشغيلها ( إذا كانت تتشغل ) مع معلومات مبسطة عن النواحي العلمية للمجسم باللغتين العربية والإنجليزية .
أكثر ما يعجبني أن أغلب معروضاتهم عبارة عن ألعاب ، يعني حتى لو ما ودك تستفيد تقدر تلعب وتنبسط
هذا الشيء شكله مبهر جداً لكن للأسف وقتها ما كان يشتغل ، فما ندري وش سالفته بالضبط .. بس شكله كذا رهيب
قاعة الأطفال
مثل ما قلت للأسف ما قدرت آخذ صور كثيرة ، لكن اعتبروها تشويقة لكم عشان تتحمسون وتروحون بنفسكم وتتفرجون ، واللي يبي يروح قريب ياخذني معه :d .
لمعلومات أكثر : موقع المركز : http://scitech.sa/index.php
وبس ، استمتعوا بوقتكم :)
